"Челси" ярим ҳимоячиси Энцо Фернандес жамоанинг ҳозирги мураббийи Лиам Росеньор қўл остидаги ўз ролидан мамнун эканини тан олди.

41 ёшли мутахассис январь ойида истеъфога чиқарилган Энцо Маресканинг ўрнини эгаллаб, "кўклар" бошқарувига келган эди.

"Энди кўпроқ гол уриш ва голли узатмаларни амалга ошириш имкониятига эга эканим менга манзур бўлмоқда. Мураббий менга рақиб дарвозаси олдида ҳаракат қилиш эркинлигини берди ва мен бу ролда ўзимни қулай ҳис қиляпман", — дея инглиз ОАВлари Фернандеснинг сўзларини келтирмоқда.

Шанба куни, 21 февраль куни лондонликлар Англия Премьер-лигасининг 26-тури доирасида ўз майдонида "Бёрнли"ни қабул қилади. Ҳозирги вақтда "Челси" 44 очко билан чемпионат турнир жадвалида бешинчи ўринни эгаллаб турибди.