«Барселона» устози Ханс-Дитер Флик жароҳатланган ярим ҳимоячилар — Педри ва Гавининг ҳолати ҳақида маълумот берди.

«Машғулотларда кўрганларим мени ҳайратда қолдирди. Эҳтимол, Педри февраль ойида майдонга туша олмас, лекин ўйлайманки, март ойига бориб у тайёр бўлади. Гави? У билан жуда эҳтиёткор бўлишимиз керак», — деди Флик журналистларга.

Ҳар икки футболчи жароҳатдан кейин тикланиш жараёнини давом эттирмоқда. Ушбу мавсумда Педри барча турнирларда 25 та ўйинда иштирок этиб, 2 та гол урди ва 8 та голли узатмага муаллифлик қилди.

Гави эса Испания чемпионатининг жорий мавсумида бор-йўғи 2 та ўйинда майдонга тушди ва 1 та голли пасни амалга оширди.