Мюнхеннинг «Бавария» клуби дарвозабони Мануэль Нойернинг жароҳати борасида янги маълумотлар пайдо бўлди.
Аввалроқ 39 ёшли футболчи жароҳат олгани ва «Айнтрахт»га қарши бўлажак ўйинни ўтказиб юбориши хабар қилинган эди. Кейинчалик клуб матбуот хизмати бу миш-мишларни тасдиқлади, бироқ тикланиш муддатларига аниқлик киритмади.
BILD нашрининг хабарига кўра, болдир мушакларидаги муаммо туфайли Нойер тахминан уч ҳафтани ўтказиб юборади.
Жорий мавсумда Нойер барча мусобақаларда 28 та ўйин ўтказиб, 27 та гол ўтказиб юборди ва 9 та учрашувда ўз дарвозаси дахлсизлигини сақлаб қолди. Таъкидлаш жоизки, футболчининг клуб билан амалдаги шартномаси шу ёзда ўз ниҳоясига етади.
