"Анжи" ҳужумчиси ва сардори Самуэль Это`О ўзини яна бир бор Жозе Моуриньо қўл остидаги жамоада синаб кўришни хоҳлаётганини айтиб ўтди.

"Дунёда фақат битта Моуриньо бор. Ўз фаолиятим давомида кўплаб мураббийлар билан ишлаганман, лекин уларда Жозедагидек характер йўқ.

У билан "Интер"да кўп совринлар ютгандик. Шунинг учун яна у билан бирга ишлашни хоҳлардим.

"Челси" - яхши жамоа. Ҳаммаси ўз қўлимизда бўлганида агентим билан янги клубга ўтиш имкониятларини чамалаб оламиз", деди Это`O.

Аввалроқ "Анжи" 32 ёшли камерунлик юлдузни 15 миллион еврога сотишга тайёрлиги маълум бўлганди.

Хабарларга қараганда, Это`О жамоадаги ўзгаришлардан норози ва "Анжи"ни текинга тарк этмоқчи.

Эслатиб ўтамиз, футболчининг маоши йилига 20 миллион еврони ташкил этади.

Ҳужумчига "Интер", "Челси" ва "Наполи" клублари қизиқиш билдиришмоқда.