«Манчестер Юнайтед»нинг собиқ аъзоси, шотландиялик ярим ҳимоячи Скотт Мактоминай ўзининг ҳозирги клуби — «Наполи»ни тарк этиши мумкин.
Tuttomercatoweb журналистларининг маълумотларига кўра, хавбек Англия Премьер-лигасига қайтишни орзу қилмоқда. Ярим ҳимоячи унинг трансферига қизиқиш билдираётган «қизил иблислар» лагерига қайтиши эҳтимоли бор.
29 ёшли ярим ҳимоячи Неаполь жамоасида 2024 йилнинг августидан буён тўп суриб келмоқда. Томонлар ўртасидаги меҳнат шартномаси 2028 йил июнь ойи охирида якунига етади. Шотландиялик футболчининг бозор қиймати 45 миллион еврони ташкил қилади.
Серия А жорий мавсумида Скотт 23 та учрашувда майдонга тушиб, ўз ҳисобига олтита гол ва учта голли узатмани ёздириб қўйди.
