«Ювентус» Уэстон Маккенни билан шартномани узайтириш устида ишламоқда. Transfermarkt маълумотларига кўра, америкалик футболчининг амалдаги келишуви шу ёзда якунига етади.
La Gazzetta dello Sport нашрининг хабар беришича, футболчининг вакиллари маошни ҳозиргидан икки баравар оширишни талаб қилишда давом этмоқда. Айни дамда Маккенни 2,5 миллиондан 3 миллион еврогача маош олмоқда (қайд этилишича, бонуслар қисми деярли ҳар доим тўлаб берилган). Клуб маошни оширишга тайёр, бироқ агентларнинг талабини тўлиқ бажариш ниятида эмас.
А Серия жорий мавсумида 27 ёшли ярим ҳимоячи 24 та ўйинда майдонга тушиб, 4 та гол урди ва 4 та голли узатмани амалга оширди.
