«Сантос» Паулиста чемпионатининг саккизинчи тури доирасидаги ўз уйида кечган баҳсда «Вело Клуб»ни тор-мор этди — 7:0.
«Сантос» ҳужумчиси Неймар тиззасидаги операциядан сўнг 2026 йилги мавсумда ўз жамоаси сафидаги илк ўйинини ўтказди. Бунгача форвард 10 та ўйинни ўтказиб юборган эди.
34 ёшли бразилиялик футболчи иккинчи бўлим бошида захирадан майдонга тушди.
«Сантос» сафида Габриэл Барбоса (дубль), Мойзес, Тасиано, Габриэл Менино ва Бенжамин Роллхайзер гол уришди.
Неймарнинг «Сантос» билан шартномаси 2026 йил 31 декабргача амал қилади. Жамоа саккиз ўйиндан сўнг 12 очко билан Паулиста жадвалида саккизинчи ўринни эгаллаб турибди. «Вело Клуб» эса (саккиз ўйиндан кейин беш очко) 15-ўринда бормоқда.
