Машҳур собиқ француз футболчиси Патрис Эвра Лионель Месси ва Криштиану Роналдуни ўзаро таққослади.
«Манчестер Юнайтед» ва «Ювентус»нинг собиқ ҳимоячиси португалиялик футболчини аргентиналикдан юқори баҳолашини бир неча бор тан олган.
«Истеъдод ҳар кимда бўлиши мумкин — гап қанчалик меҳнат қилишга тайёрлигингда. Мессининг мухлислари мени ёмон кўришади, чунки мен Роналдуни авлоднинг энг буюк ўйинчиси деб атайман. Биз уларни умуман солиштирмаслигимиз керак, аммо ҳамма гап ишга бўлган муносабатда», — дея Эвранинг сўзларидан иқтибос келтирмоқда Al Nassr Zone.
41 ёшли Криштиану Роналду Саудиянинг «Ал-Наср» жамоасида ўйнашда давом этмоқда. 38 ёшли Лионель Месси эса «Интер Майами» шарафини ҳимоя қилмоқда.
