«Барселона» ярим ҳимоячиси Педри майдонга қайтишга яқин турибди.
«Кўк-анорранглилар» етакчиси жамоанинг охирги олтита учрашувини, жумладан, Испания кубоги ярим финалидаги «Атлетико Мадрид»га қарши омадсиз ўйинни (0:4) ўтказиб юборди. Diario Sport нашрининг янгиланган маълумотларига кўра, ярим ҳимоячи кутилганидан эртароқ ўйнай олади: унинг кейинги якшанба, 22 февраль куни бўлиб ўтадиган «Леванте»га қарши ўйин қайдномасига киритилиши кутилмоқда.
Бунгача Ханс-Дитер Флик шогирдлари «Жирона» билан тўқнаш келишади. Каталония дербиси душанба куни бўлиб ўтади, ўйиннинг бошланиши Тошкент вақти билан тунги соат 01:00 га белгиланган.
