"Наполи" бош мураббийи Антонио Конте А Серия 25-туридан ўрин олган "Рома" (2:2) билан ўйиндаги дуранг ҳақида гапирди.
"Агар бу бокс жанги бўлганида, ишончим комилки, биз очколар бўйича ғалаба қозонган бўлардик. Ўта шиддатли, томошабоп ўйин бўлди. Ўйнаш осон бўлмади - иккала жамоа ҳам жуда агрессив прессинг уюштирди.
Бу инглиз услубидаги ўйин эди. Биз кейинги 13 турда ўз келажагимизни қураётганимизни англаган ҳолда шу руҳда давом этишимиз керак. Кейинги мавсумимиз ҳам, қайси еврокубокда ўйнашимиз ҳам шу бўлимни қандай ўтказишимизга боғлиқ бўлади", - деди Конте.
