Шу йилнинг қишида «Арсенал»дан «Аякс»га ўтган украиналик ҳимоячи Александр Зинченко жорий мавсумни муддатидан олдин якунлаши мумкин.
«ТаТоТаке» берган маълумотга кўра, футболчининг тизза пайлари шикастланган деган шубҳа бор. Энг ёмон сценарийда Зинченко 8-12 ойга сафдан чиқади. Футболчининг ҳолати бўйича якуний хулоса МРТ текширувидан сўнг эълон қилинади.
Александр Нидерландия чемпионатининг яқинда бўлиб ўтган «Фортуна»га (4:1) қарши ўйинида жароҳат олди. Ҳимоячи биринчи бўлимнинг олтинчи дақиқасида майдонни тарк этди.
Украиналик футболчининг Амстердам гранди билан тузган шартномаси 2026 йилнинг ёзигача мўлжалланган.
