Мадриднинг «Атлетико» клуби Ла Лига 24-тури доирасидаги баҳсда кутилмаганда «Райо Вальекано»га имкониятни бой берди — 0:3.

«Арилар» биринчи бўлимнинг ўзидаёқ жавобсиз иккита тўп киритишди, танаффусдан сўнг эса меҳмонлар дарвозасига яна бир гол уриб, ҳисобни йириклаштиришди. Opta маълумотларига кўра, «матрасчилар» Диего Симеоне жамоада иш бошлаган вақтдан — 2011 йилнинг мартидан бери илк бор Испания чемпионати ўйинининг биринчи бўлимида ўз дарвозалари томон еттита аниқ зарба берилишига йўл қўйишди. Ўшанда бу ҳолат «Висенте Кальдерон»да Мадриднинг «Реал» клубига қарши кечган дербида юз берган эди.

Диего Симеоне 2011 йилнинг декабрь ойида «Атлетико» бош мураббийи лавозимини эгаллаган. Аргентиналик мутахассис қўл остида мадридликлар икки бор Ла Лига ғолибига айланишган.