Мадриднинг «Реал» клуби ҳужумчиси Винисиус Жуниор яқин келажакда нималарга эришмоқчи эканлиги ҳақида гапириб берди.

Шанба куни бразилиялик футболчи дубль қайд этиб, Ла Лига доирасидаги «Реал Сосьедад»га қарши баҳсда (4:1) «қаймоқранглилар»нинг ғалабасига ёрдам берди.

«Реал»да ўйнаш — бу жуда катта масъулият. Менинг асосий орзум — яна соврин ютиш. Ўтган мавсумни титулларсиз ўтказдик — бу биз учун жуда оғир бўлди.

Шунингдек, 25 ёшли футболчи ўз миллий терма жамоаси сафида жаҳон кубогини боши узра баланд кўтаришни орзу қилишини тан олди.

«Мен Бразилия билан биргаликда олтинчи юлдузни қўлга киритишни истайман», — деди Винисиус.

«Реал» Ла Лига жадвалида «Барселона»ни икки очкога ортда қолдирмоқда, бироқ каталонияликларда битта захира ўйини мавжуд.