Мадриднинг «Атлетико» клуби дарвозабони Ян Облак Ла Лиганинг якшанба кунги баҳсида «Райо Вальекано»дан учралган йирик мағлубиятдан (0:3) сўнг интервью берди.

«Матрасчилар» Испания Кубоги ярим финали доирасида «Барселона» устидан қозонилган оламшумул ғалабадан (4:0) уч кун ўтиб «арилар» билан тўқнаш келишди. Бу сафар Диего Симеоне жамоаси кутилмаганда аутсайдерлардан бирига имкониятни бой бериб қўйди.

«Ҳақиқий «Атлетико» — бу ўтган галги «Барселона» билан ўйиндаги жамоадир. Биз ҳар бир баҳсда айнан шундай ҳаракат қилишимиз керак. Доимо мана шу имижга интилишимиз лозим», — дея Облакнинг интервьюсидан иқтибос келтирмоқда Испания ОАВлари.

Чоршанба куни, 18 февраль куни «Атлетико» Чемпионлар лигаси доирасида Бельгиянинг «Брюгге» жамоаси билан тўқнаш келади.