«Ноттингем Форест» ҳимоячиси Мурилло Англиянинг янада нуфузлироқ клубига ўтиши мумкин. Бу ҳақда Teamtalk журналистлари маълум қилди.

Манба берган маълумотларга кўра, 23 ёшли бразилиялик футболчини ўз сафига қўшиб олишга Премьер-лиганинг амалдаги чемпиони — «Ливерпуль» ва Лондоннинг «Челси» клублари қизиқиш билдирмоқда. Ўйинчининг трансфер қиймати 55 миллион еврога баҳоланмоқда. Бразилиялик ва «ўрмончилар» ўртасидаги амалдаги меҳнат шартномаси 2029 йилнинг июнь ойи охирида якунига етади.

Англия чемпионатининг жорий мавсумида Мурилло 18 та учрашув ўтказиб, битта гол урди ва учта сариқ карточка олди.