Англия Кубогининг тўртинчи босқичи доирасида «Арсенал» ўз майдонида «Уиган»ни тор-мор келтирди. Учрашув 4:0 ҳисобида якунланди. «Канонирлар» барча голларни биринчи бўлимда киритишди.

OptaJoe маълумотларига кўра, «Арсенал» 1992/93 йилги мавсумдан бери Англия Кубоги ўйинининг дастлабки ярим соатида рақиб дарвозасига тўртта гол уришга муваффақ бўлган илк Премьер-лига вакилига айланди. Голларга Мадуэке, Мартинелли ва Жезус муаллифлик қилган бўлса, яна бир гол Хант томонидан ўз дарвозасига (автогол) киритилди.

«Арсенал» навбатдаги ўйинини 18 февраль куни ўтказади. Шу куни Микель Артета шогирдлари Англия чемпионатининг қолдирилган 31-тури доирасида «Вулверхэмптон» билан тўқнаш келишади. Учрашув Тошкент вақти билан тунги соат 01:00 да бошланади.