«Райо Вальекано» 13 йил ичида илк бор «Атлетико»ни мағлуб этди.

Ла Лиганинг 24-туридан ўрин олган баҳсда Диего Симеоне жамоаси 0:3 ҳисобида имкониятни бой берди. Бунгача «Атлетико» «Райо Вальекано»га кетма-кет 19 ўйиндан бери — 2013 йил 10 февралдан (1:2) бери мағлуб бўлмаётган эди.

«Атлетико»нинг бугунги мағлубияти жамоалар ўртасидаги тўқнашувлар тарихида 1981 йилдан бери энг йириги бўлди — ўшанда «матрасчилар» Испания Кубоги 1/8 финалининг дастлабки ўйинида 0:3 ҳисобида ютқазишганди. Чемпионат доирасида эса жамоа «Райо»га учта ва ундан кўп тўплар фарқи билан 1979 йил ноябридан (1:4) бери мағлуб бўлмаган эди.