"Ноттингем Форест" клуби ҳужумкор ярим ҳимоячиси Морган Гиббс-Уайт "Манчестер Сити"га ўтиши мумкин. Бу ҳақда Football Insider нашри хабар бермоқда.
Манбага кўра, "ўрмончилар" аллақачон "Манчестер Сити"га агар "шаҳарликлар" 26 ёшли хавбекни ўз сафига қўшиб олмоқчи бўлса, 69 миллион евродан ортиқ маблағ сарфлашига тўғри келишини маълум қилган.
Таъкидланишича, "Манчестер Сити" Бернарду Силванинг кетиши муносабати билан яримҳимоя чизиғини кучайтирмоқчи. Гиббс-Уайтнинг ўзи ҳам "Сити Граунд"даги муваффақиятсиз мавсумдан сўнг янги чақирувларга тайёр бўлиши ва Чемпионлар Лигасида иштирок этиш истиқболи у учун жуда жозибали бўлиши мумкин.
Гиббс-Уайт бу мавсумда барча мусобақаларда 35та ўйин ўтказиб, еттита гол урди ва тўртта голли узатмани ўз ҳисобига ёздириб қўйди.













