"Наполи" ҳимоячиси Леонардо Спинаццола Италия терма жамоасига чақирув олиши мумкин. Бу ҳақда журналист Никола Скира маълум қилди.
Ушбу манба маълумотига кўра, А Сериянинг сўнгги турида "Рома" билан бўлиб ўтган учрашувда миллий жамоа скаутлари трибунада бўлиб, Леонардо ва бошқа баъзи футболчиларнинг ўйинини диққат билан кузатиб боришган.
Спинаццола 2017 йилда "скуадра адзурра" сафида дебют қилган ва 26 та ўйинда майдонга тушган. У охирги марта ўтган йилнинг октябрь ойида чақирилган, аммо Эстонияга қарши ўйинда атиги бир неча дақиқа ўйнаган. Март ойида Италия жаҳон чемпионати плей-оффида Шимолий Ирландияга қарши ўйин ўтказади.
