Лондоннинг "Челси" клуби "Ювентус" билан футболчи алмашиш имкониятини кўриб чиқмоқда.

Журналист Аарон Рамиро хабарига кўра, "кўклар" туринликларга 21 ёшли вингер Алехандро Гарначони 57,5 млн евро қўшимча тўлов билан таклиф қилмоқчи. Бунинг эвазига инглиз гранди яқинда "Ювентус" билан шартномасини узайтирган 20 ёшли қанот ҳужумчиси Кенан Йилдизни олмоқчи. Сўнгги ҳафталарда икки клуб ўртасида фаол музокаралар олиб борилмоқда.

Жорий мавсумда Гарначо барча мусобақаларда 29 та ўйинда майдонга тушиб, 6 та гол урди ва 3 та голли узатмани амалга оширди. Йилдизнинг ҳисобида барча мусобақаларни қўшиб ҳисоблаганда 33 та учрашувда 9 та гол ва 8 та ассист бор.