"Барселона" бош мураббийи Ханс-Дитер Флик Испания чемпионатининг яқинлашиб келаётган "Жирона"га қарши ўйинида Рональд Араухони асосий таркибда майдонга туширади. Бу ҳақда The Touchline хабар бермоқда.

Манбага кўра, Араухонинг ўзи ҳам "Барселона" учун муҳим ўйинларга руҳан ва жисмонан тайёр эканини ҳис қилмоқда. Мураббий уни "Жирона"га қарши ўйиннинг дастлабки дақиқаларидан, шунингдек, Испания кубоги доирасида "Атлетико"га қарши жавоб ўйинида майдонга тушириши кутилмоқда. Агар Араухо ўзини яхши кўрсатса, асосий таркибга доимий равишда қайтиши мумкинлиги айтилмоқда.

Жорий мавсумда 26 ёшли уругвайлик футболчи барча мусобақаларни ҳисобга олган ҳолда 21та ўйинда майдонга тушиб, 3та гол уришга муваффақ бўлди.