Вингер Рафинья «Барселона» сафига қайтмоқда. Кеча бўлиб ўтган матбуот анжуманида Ханс-Дитер Флик бразилиялик футболчи Испания чемпионати доирасидаги «Жирона»га қарши ўйинда майдонга туша олиши ҳақида гапирган эди. Душанба куни клуб ўз ресурсларида ушбу маълумотни расман тасдиқлади.
«Рафинья соғлом деб топилди ва бугунги ўйин қайдномасига киритилади», — дейилади «кўк-анорранглилар» хабарида.
Эслатиб ўтамиз, Рафинья мушакларидаги муаммолар сабабли жамоанинг охирги бир нечта ўйинини ўтказиб юборган эди.
«Жирона» ва «Барселона» ўртасидаги Испания Ла Лигаси баҳси Тошкент вақти билан тунги соат 01:00 да бошланади.
