«Барселона»нинг ёш ҳимоячиси Пау Кубарси ўзининг кумирлари ва кимларнинг ўйинидан илҳомланиши ҳақида тўхталиб ўтди. Испаниялик иқтидор соҳиби Карлес Пуйоль ва Жерар Пике билан бир қаторда «Ливерпуль» сардори Виржил ван Дейкни ҳам алоҳида эътироф этди.

Кубарсининг айтишича, у ҳар бир ҳимоячидан ўзи учун керакли жиҳатларни ўрганишга ҳаракат қилган. Пуйолдан етакчилик қобилияти ва жамоани ўз ортидан эргаштира олишини, Пикедан эса тўпни ўйинга киритиш ҳамда майдонда тўғри позиция танлашни ўзлаштирган. Бу хислатлар унинг бугунгидек футболчи бўлиб етишишига катта ёрдам берган.

Шунингдек, Пау «Ливерпуль» аъзоси Виржил ван Дейкнинг ўйин услубига ҳам юқори баҳо берди. У нидерландиялик ҳимоячининг совуққонлиги, етакчилиги ва ҳужумларни бошлашдаги маҳоратини ўзи учун ҳақиқий намуна деб билишини таъкидлади.