«Аякс» ўзининг расмий сайтида ҳимоячи Александр Зинченконинг жароҳатига доир баёнот эълон қилди. Маълумки, украиналик футболчи дам олиш кунлари жароҳат олиб, «Фортуна»га қарши ўйиннинг бошидаёқ алмаштирилган эди.
«Аякс» сайтининг хабар беришича, тиббий кўрик натижасида тиззада жиддий жароҳат борлиги аниқланган ва жарроҳлик амалиёти зарурлиги маълум бўлган. Зинченко яқин вақт ичида операция қилинади.
Клуб 29 ёшли футболчининг тикланиши учун аниқ муддатларни очиқламаган. Бироқ баёнотда тикланиш жараёни узоқ давом этиши ва Зинченко учун мавсум якунлангани таъкидланган.
Одатда бундай жароҳатлардан кейин тикланиш — энг оптимистик ҳолатда ҳам — камида ярим йил вақт олади.
