Бирмингемнинг «Астон Вилла» клуби посбони Эмилиано Мартинес сейвлар фоизи бўйича статистик жиҳатдан Англия Премьер-лигасининг жорий мавсумдаги энг яхши дарвозабони бўлиб турибди. Football Insider хабарига кўра, амалдаги жаҳон чемпиони ҳозирда лига дарвозабонлари орасида энг юқори кўрсаткичга эга — унинг сейвлари 77% ни ташкил этмоқда.
Мартинес жорий мавсумда ўз клуби сафида жами 28 та расмий ўйинда майдонга тушди, шулардан 22 таси Премьер-лига ҳиссасига тўғри келади. Ушбу 22 та баҳсда Мартинес ўз дарвозасидан жами бор-йўғи 19 та гол ўтказиб юборди.
«Астон Вилла» АПЛда кучли учликда қолишда давом этмоқда. Ҳозирда бирмингемликлар ҳисобида 50 очко мавжуд ва жамоа турнир жадвалида соф учинчи ўринни эгаллаб турибди.
