Англия Кубогининг 1/16 финали доирасида АПЛ вакили «Брентфорд» сафарда камтарона «Маклсфилд» жамоаси меҳмони бўлди. Баҳс кутилганидан кўра кескинроқ ўтди ва фақатгина битта гол ўйин тақдирини ҳал қилди.

Учрашувнинг биринчи бўлимида ҳисоб очилмади. 70-дақиқада мезбонлар ҳимоячиси Сэм Хиткот ўз дарвозасини ишғол қилиб қўйди ва ушбу автогол «асаларилар»га ғалаба келтирди — 0:1.

Шу тариқа, «Брентфорд» мусобақанинг 1/8 финалига йўл олди ва ушбу босқичда «Вест Хэм» жамоаси билан куч синашадиган бўлди.

Англия Кубоги, 1/16 финал
«Маклсфилд» — «Брентфорд» — 0:1
Гол: Хиткот, 70 (автогол).

«Брентфорд»: Вальдимарссон, Пиннок, Коллинз, Хики, Кайоде, Ярмолюк, Янельт, Йенсен, Нелсон (Льюис-Поттер, 61), Донован (Бентт, 90), Фуро (Уаттара, 71).

Огоҳлантиришлар: Доусон (84) — Янельт (21), Ярмолюк (77).