Мадриднинг "Атлетико" жамоаси "Райо Вальекано"га 0:3 ҳисобида мағлуб бўлганидан сўнг, словениялик дарвозабон Ян Облак мураббий Диего Симеоненинг ёндашувини танқид қилишга журъат этганди. Ўшанда Симеоне рақибни осон ўлжа деб ҳисоблаб, майдонга энг кучли таркибни туширмаган эди. Энди эса аргентиналик мутахассис ўз дарвозабонига жавоб беришга қарор қилди.
"Мен унинг фикрига қўшилмайман. Биз рақиб танламаймиз. Биз шунчаки ўйинни ёмон ўтказдик. "Райо" биздан кўра яхшироқ ўйнади", — дея Симеоненинг сўзларини келтиради derbyderbyderby.it нашри.
Ҳозирда "Атлетико" Испания чемпионати турнир жадвалида учинчи ўринни эгаллаб турибди.
