Madridning "Atletiko" jamoasi "Rayo Valyekano"ga 0:3 hisobida mag‘lub bo‘lganidan so‘ng, sloveniyalik darvozabon Yan Oblak murabbiy Diyego Simeonening yondashuvini tanqid qilishga jur’at etgandi. O‘shanda Simeone raqibni oson o‘lja deb hisoblab, maydonga eng kuchli tarkibni tushirmagan edi. Endi esa argentinalik mutaxassis o‘z darvozaboniga javob berishga qaror qildi.

"Men uning fikriga qo‘shilmayman. Biz raqib tanlamaymiz. Biz shunchaki o‘yinni yomon o‘tkazdik. "Rayo" bizdan ko‘ra yaxshiroq o‘ynadi", — deya Simeonening so‘zlarini keltiradi derbyderbyderby.it nashri.

Hozirda "Atletiko" Ispaniya chempionati turnir jadvalida uchinchi o‘rinni egallab turibdi.