Мадриднинг "Реал" клуби ҳимоя чизиғини кучайтириш учун янги номзодларни қидиришда давом этмоқда. "Қаймоқранглилар" "Ливерпуль" ҳимоячиси Ибраима Конатега бўлган қизиқишини яна тиклади.
Франциялик футболчи ўзининг энг яхши спорт формасига қайтди. Бироқ, у ҳалигача "Ливерпуль" билан шартномасини узайтиргани йўқ. Томонлар ўртасидаги амалдаги келишув шу ёзда ниҳоясига етади. "Реал" айнан мана шу вазиятдан унумли фойдаланиб қолмоқчи. "Қироллик клуби" раҳбарияти юқори савияли марказий ҳимоячини текинга (эркин агент сифатида) қўлга киритишни кўзламоқда.
Эслатиб ўтамиз, келаётган ёзда "Реал" ўз таркибидаги бир нечта ҳимоячилар билан хайрлашади. Уларнинг ўрнига янги ижрочилар таклиф этилиши режалаштирилган.
