Шу ёзда Испаниянинг "Барселона" клуби "Интер"нинг 28 ёшли француз ҳужумчиси Маркус Тюрам билан шартнома имзолаш имкониятини кўриб чиқади. Бу ҳақда Calciomercato нашри хабар бермоқда.
Қайд этилишича, Тюрам польшалик ҳужумчи Роберт Левандовскининг ўрнини эгаллаши мумкин. Каталонияликлар шу ёзда шартномаси якунига етадиган Левандовски билан келишувни узайтиришни режалаштиришмаяпти. Тюрамнинг "Интер" билан амалдаги шартномаси эса 2028 йилнинг ўрталаригача давом этади.
Маркус Тюрам 2023 йилда Мёнхенгладбахнинг "Боруссия" клубидан "Интер"га ўтган эди. Жорий мавсумда у 29 та ўйинда майдонга тушиб, 12 та гол урди ва 5 та голли узатмани амалга оширди.
