Лондоннинг «Арсенал» клуби Бильбаонинг «Атлетик» жамоаси вингери Нико Уильямсга қизиқиш билдирмоқда. TEAMTalk нашри берган маълумотларга кўра, 23 ёшли футболчи ўз клубидаги ҳозирги ҳолатидан мамнун эмас ва жамоани тарк этиш имкониятларини кўриб чиқмоқда.
«Арсенал» аллақачон Уильямснинг вакиллари билан боғланган ва ёзги трансфер ойнаси олдидан расмий таклиф тайёрлаш ниятида. «Атлетик» раҳбарияти ҳам футболчининг кетиши муқаррар эканини тушуниб турибди, чунки Нико жамоада ўзини қулай ҳис қилмаяпти ва ўсиш учун бошқа клубга ўтиш кераклигини англаб етган.
Басклар ўз юлдузини қўйиб юборишга тайёр, бироқ бунинг учун камида 100 миллион евро талаб қилишмоқда. Манбаларга кўра, бундай юқори нарх «Арсенал»ни фикридан қайтара олмайди.
Жорий мавсумда Уильямс «Атлетик» сафида 26 та ўйинда майдонга тушиб, 4 та гол урди ва 6 та голли узатмани амалга оширди. Ҳозирда унинг жамоаси Ла Лигада 28 очко билан 10-ўринда бормоқда.
