Бразилия футбол федерациясидаги UOL манбаларига кўра, терма жамоа бош мураббийи Карло Анчелотти Неймарни фақатгина унинг жисмоний ҳолати аъло даражада бўлган тақдирдагина таркибга чақиришга тайёр.

Хабар қилинишича, италиялик мутахассис биринчи навбатда футболчининг ҳозирги спорт формаси ва юқори савиядаги ўйинларга тайёрлигига эътибор қаратади. Шу билан бирга, манбалар Анчелоттининг Неймарга нисбатан алоҳида хайрихоҳлиги (симпатияси) йўқлигини таъкидлашмоқда. Шу сабабли, чақирув бўйича қарор фақатгина спорт омилларига асосланади.

Эслатиб ўтамиз, келаётган ёзда Бразилия терма жамоаси жаҳон чемпионатида иштирок этади. Кечагина Неймар жароҳатидан сўнг 2026 йилдаги илк ўйинини «Сантос» сафида ўтказди ва голли узатмани амалга оширди.