"Барселона" собиқ ҳимоячиси Жерар Пике Ла Лиганинг 24-туридан ўрин олган "Жирона"га қарши баҳсдаги ҳакамликдан ғазабда эканлигини яшириб ўтирмади.

У айниқса Жюль Кундега нисбатан ишлатилган қўполлик жазосиз қолганини кескин қоралади.

Ҳакамлик ҳақида "Иложи йўқ, жиддий айтяпман, бунақа ҳакамлар билан Испанияда ўйнашнинг иложи йўқ. Ҳар ҳафта шу мавзу қайтарилаверади", — дея ўз норозилигини бошлади Пике.

Баҳсли вазият ва ўйин тақдири Пикенинг фикрича, Кунде билан боғлиқ вазият учрашув натижасига бевосита таъсир қилган: "Кундега ишлатилган фолдан кейин ҳеч қандай реакция, жазо йўқ. Ҳеч қандай! Бундай вазиятлар ўйин тақдирини ўзгартириб юборадиган даражада муҳим ҳисобланади. 2:1 ҳисобида мағлуб бўлдик ва буни жим кузатишади деб ўйлашади шекилли".

Чемпионлик пойгаси Собиқ футболчи бундай шароитда "кўк-анорранглилар" учун чемпионлик кураши қийин бўлишини таъкидлади: "Бундай ҳолатда чемпионлик учун курашишнинг иложи йўқ, "Барселона"ни яна бир марта ўмариб кетишди", — дея фикрини якунлади у.