"Barselona" sobiq himoyachisi Jerar Pike La Liganing 24-turidan o‘rin olgan "Jirona"ga qarshi bahsdagi hakamlikdan g‘azabda ekanligini yashirib o‘tirmadi.

U ayniqsa Jyul Kundega nisbatan ishlatilgan qo‘pollik jazosiz qolganini keskin qoraladi.

Hakamlik haqida "Iloji yo‘q, jiddiy aytyapman, bunaqa hakamlar bilan Ispaniyada o‘ynashning iloji yo‘q. Har hafta shu mavzu qaytarilaveradi", — deya o‘z noroziligini boshladi Pike.

Bahsli vaziyat va o‘yin taqdiri Pikening fikricha, Kunde bilan bog‘liq vaziyat uchrashuv natijasiga bevosita ta’sir qilgan: "Kundega ishlatilgan foldan keyin hech qanday reaksiya, jazo yo‘q. Hech qanday! Bunday vaziyatlar o‘yin taqdirini o‘zgartirib yuboradigan darajada muhim hisoblanadi. 2:1 hisobida mag‘lub bo‘ldik va buni jim kuzatishadi deb o‘ylashadi shekilli".

Chempionlik poygasi Sobiq futbolchi bunday sharoitda "ko‘k-anorranglilar" uchun chempionlik kurashi qiyin bo‘lishini ta’kidladi: "Bunday holatda chempionlik uchun kurashishning iloji yo‘q, "Barselona"ni yana bir marta o‘marib ketishdi", — deya fikrini yakunladi u.