Миланнинг «Интер» клуби ярим ҳимоячиси Давиде Фраттези Норвегиянинг «Будё-Глимт» жамоасига қарши Чемпионлар лигаси сафар ўйини олдидан жароҳатланганлар рўйхатини тўлдирди. Бу ҳақда Sky Sport Italia хабар бермоқда.
Манбага кўра, Фраттезининг тана ҳарорати кўтарилган. Шунингдек, бир ойлик танаффусдан сўнг яқиндагина сафга қайтган унинг жамоадоши Хакан Чалханўғли ҳам майдонга тушмайди. Туркиялик футболчида мушак толиқиши аниқланган. Ҳар икки футболчи Италияда қоладиган бўлди.
«Интер» ва «Будё-Глимт» ўртасидаги учрашув 18 февраль куни бўлиб ўтади. Ўйин Тошкент вақти билан тунги соат 01:00 да бошланади. Кристиан Киву шогирдлари мусобақанинг умумий босқичини 10-ўринда якунлаган бўлса, уларнинг рақиблари 23-ўринни эгаллаган эди.
