Бельгиялик собиқ юлдуз Эден Азар футболчилик фаолиятини якунлагач, бутун эътиборини оиласига қаратганини таъкидлади. Унинг сўзларига кўра, вақтнинг қанчалик тез ўтиши инсонни ҳайратга солади.
«Ҳаёт жуда тез ўтади, айниқса, футболда. Кеча мен 19 ёшда эдим, бугун эса — 35 ёшдаман. Ҳозир менинг ҳаётим анча оддий. Мен 5 нафар фарзанднинг отасиман. Ҳозирги пайтда мен футболчидан кўра кўпроқ таксичиман, лекин бу нормал ҳолат», — дейди Азар.
Эслатиб ўтамиз, Эден Азар «Лилль», «Челси» ва «Реал Мадрид» клубларидаги муваффақиятли юришларидан сўнг, 2023 йилда фаолиятини якунлашга қарор қилган эди.
