"Барселона"да Педрининг нафақат футболчи, балки шахс сифатидаги фазилатларидан ҳам мамнунлар. "The Touchline" маълумотларига кўра, "кўк-анорранглилар" раҳбарияти 23 ёшли ўйинчининг камтарлиги ва вазмин ҳаёт тарзидан ҳайратда қолган.

Педри маблағларини ҳашаматли автомобиллар ёки қимматбаҳо заргарлик буюмларига сарфламайди – у асосий эътиборини узоқ муддатли капитал яратишга қаратган. "Барселона" раҳбарияти Педрининг кўчмас мулк соҳасидаги инвестицияларини қўллаб-қувватламоқда: футболчи бутун Испания бўйлаб меҳмонхоналарни сотиб олиш ва таъмирлашга сармоя киритмоқда.

Педри "Барселона" сафида жами 227 та расмий ўйинда майдонга тушган. Ушбу баҳсларда ярим ҳимоячи 28 та гол ва 29 та голли узатмани ўз ҳисобига ёздириб қўйган.

Ҳозирда "Барселона" Ла Лига турнир жадвалида иккинчи ўринни эгаллаб турибди.