Франциянинг нуфузли L'Équipe нашри тарқатган маълумотларга кўра, «Пари Сен-Жермен» сардори Маркиньоснинг «Парк де Пренс»даги келажаги сўроқ остида қолмоқда. Ваҳоланки, бразилиялик ҳимоячининг парижликлар билан амалдаги шартномаси 2028 йилнинг июнь ойига қадар мўлжалланган.
Қайд этилишича, жамоа бош мураббийи Луис Энрике 31 ёшли ҳимоячининг тажрибасини юқори баҳолайди. Маркиньос кийиниш хонасида ҳам катта обрўга эга ва жамоадошлари учун ҳақиқий ўрнак вазифасини ўтайди. Бироқ келаси ёзда вазият ўзгариши мумкин — Қатар клублари футболчига жиддий қизиқиш билдирмоқда.
Маркиньоснинг «ПСЖ»даги статистикаси:
-
Жорий мавсум: 20 та ўйин, 1 та гол.
-
Умумий кўрсаткич: 511 та баҳс, 42 та гол ва 12 та голли узатма.
