Fransiyaning nufuzli L'Équipe nashri tarqatgan ma’lumotlarga ko‘ra, «Pari Sen-Jermen» sardori Markinyosning «Park de Prens»dagi kelajagi so‘roq ostida qolmoqda. Vaholanki, braziliyalik himoyachining parijliklar bilan amaldagi shartnomasi 2028 yilning iyun oyiga qadar mo‘ljallangan.
Qayd etilishicha, jamoa bosh murabbiyi Luis Enrike 31 yoshli himoyachining tajribasini yuqori baholaydi. Markinyos kiyinish xonasida ham katta obro‘ga ega va jamoadoshlari uchun haqiqiy o‘rnak vazifasini o‘taydi. Biroq kelasi yozda vaziyat o‘zgarishi mumkin — Qatar klublari futbolchiga jiddiy qiziqish bildirmoqda.
Markinyosning «PSJ»dagi statistikasi:
-
Joriy mavsum: 20 ta o‘yin, 1 ta gol.
-
Umumiy ko‘rsatkich: 511 ta bahs, 42 ta gol va 12 ta golli uzatma.
