Дортмунднинг «Боруссия» клуби ҳимоячиси Юлиан Рюэрсон Чемпионлар лигаси доирасидаги «Аталанта»га қарши ўйинда голли узатмани амалга оширди. Қанот ҳимоячиси учрашувнинг 3-дақиқасида Серу Гирассининг голига ҳаммуаллифлик қилди.
2026 йил ҳисобидан барча турнирларда 9 та ўйинда майдонга тушган Рюэрсон ўз ҳисобига 9 та голли пас ёздириб қўйди. Бу Европанинг кучли бешлик лигалари футболчилари орасидаги иккинчи кўрсаткичдир: норвегиялик ҳимоячидан фақат «Бавария» аъзоси Майкл Олисе олдинда бормоқда (9 ўйинда 10 та ассист).
