"Бенфика" бош мураббийи Жозе Моуриньо Мадриднинг "Реал" клуби ҳужумчиси Винисиус Жуниорга нисбатан қандай эътирози борлигини очиқлади.
Бразилиялик футболчи 50-дақиқада гол урди ва бу гол учрашувда ягона бўлиб қолди. Португалиялик мутахассисга "қаймоқранглилар" форвардининг голни мухлислар қаршисида нишонлагани ёқмади.
"Мен Винисиусга шундай дедим: "Сен ажойиб гол урдинг, лекин бундай нишонлашнинг нима кераги бор? Нима учун шунчаки голингга ва ажойиб футболчи эканлигингга қувона олмайсан?" Агар буларнинг барчаси кўплаб турли стадионларда айнан бир киши билан содир бўлаётган бўлса, демак, нимадир нотўғри", – дея Моуриньонинг сўзларидан иқтибос келтирмоқда "MatchDay Central".
Келаси чоршанба, 25 февраль куни "Реал" жавоб учрашувида "Сантьяго Бернабеу"да "Бенфика"ни қабул қилади.
