Чемпионлар лигаси плей-офф босқичининг илк тўқнашувида Лиссабоннинг «Бенфика» жамоаси ўз майдонида Мадриднинг «Реал» клубидан 0:1 ҳисобида мағлубиятга учради.
Учрашув якунланганидан сўнг, Португалия клуби матбуот хизмати «бургутлар» президенти Руй Кошта ва «қаймоқранглилар» вакилларидан бири ўртасида келиб чиққан эҳтимолий муштлашув ҳақидаги маълумотлар юзасидан баёнот берди.
«Бенфика» хабарида айтилишича, раҳбарнинг можарога аралашгани ҳақидаги барча хабарлар ҳақиқатга тўғри келмайди.
«Реал» ва Жозе Моуриньо шогирдлари ўртасидаги жавоб учрашуви 25 февраль куни Мадриддаги «Сантьяго Бернабеу» стадионида бўлиб ўтади.
