Мадриднинг «Реал» клуби марказий ҳужумчиси Килиан Мбаппе Лиссабоннинг «Бенфика» жамоасига қарши кечган Чемпионлар лигаси плей-офф босқичининг илк учрашувида (1:0) жамоадоши Винисиус Жуниорнинг ирқий камситилгани юзасидан УЕФАга мурожаат қилди.
«Менинг айнан клубга ва Моуриньога эътирозим йўқ. У жуда кучли мураббий. Лекин бундай хатти-ҳаракатга йўл қўйган футболчи энди бу каби турнирларда ўйнаши мумкин эмас. УЕФА, зарур чораларни кўришингиздан умид қиламан. Бу вазиятни синчиклаб ўрганиб чиқиш керак», – дея француз футболчисининг сўзларини келтирмоқда «Marca» газетаси.
Аввалроқ, «Бенфика» футболчиси Жанлука Престианни ўйин давомида Винисиусни ҳақорат қилгани ҳақида хабар берилган эди.
