«ПСЖ» устози Луис Энрике УЕФА Чемпионлар лигаси плей-офф босқичи доирасида «Монако»га қарши кечган илк учрашувдан сўнг ўз фикрларини билдирди. Париж жамоаси сафарда 3:2 ҳисобида ғалаба қозонди.
«Мезбонлар илк ҳужумидаёқ гол уришди. Шундан сўнг улар мудофаамизни муваффақиятли ёриб ўтишда давом этиб, иккинчи голни ҳам ташкил қилишди. Воқеаларнинг бундай ривожи ишончимизга путур етказиши мумкин эди, аммо жамоа бардош берди ва ҳаммасини уддалади. Оғир вазиятга қарамай, шогирдларим ўзларига бўлган ишончни сақлаб қолишди», — дея испаниялик мутахассиснинг сўзларини келтирмоқда «RMC Sport».
«ПСЖ» ва «Монако» ўртасидаги жавоб баҳси 25 февраль куни Париждаги стадионда бўлиб ўтади.
