"Бенфика" ҳимоячиси Самуэль Даль Чемпионлар лигаси доирасидаги баҳсда (0:1) "Реал" вингери Винисиус Жуниорни Португалия клуби мухлисларига нисбатан ҳурматсизлик қилганликда айблади.
Винисиус 50-дақиқада голини бурчак байроқчаси билан рақсга тушиб нишонлагани ва Жанлука Престианни билан содир бўлган низодан сўнг сариқ карточка олди. Бразилиялик футболчи "Бенфика" ҳужумчиси уни "маймун" деб атаганини даъво қилди. Ўйин ирқчиликка қарши кураш протоколига мувофиқ вақтинча тўхтатиб турилди.
Даль Винисиус ва Престианни ўртасида содир бўлган воқеани изоҳлай олмаслигини билдирди, бироқ бразилияликни танқид қилди.
"Мен у ерда эмасдим ва ҳеч нарсани эшитмадим. У чиройли гол урди, лекин шундан сўнг "Бенфика" мухлисларига ва бизга нисбатан ҳурматсизлик кўрсатди", — деди Самуэль "Sport TV"га берган интервьюсида.
