"Манчестер Сити" кейинги мавсум учун таркибни режалаштирмоқда. Родрининг жароҳатларга мойиллигини ҳисобга олган ҳолда, "шаҳарликлар" учун ярим ҳимоячи Нико Гонсалесни жамоада сақлаб қолиш жуда муҳим. Премьер-лиганинг топ-клуби футболчининг ёзда эҳтимолий кетишини блоклашга қарор қилди. Бу ҳақда "El Nacional" нашрига таяниб "Transfer News Live" хабар бермоқда.
"Манчестер Сити"нинг бу қарори Гонсалесни ўз сафига қайтариш имкониятини кўриб чиқаётган "Барселона"ни хафа қилиши мумкин.
2025/2026 йилги мавсумда Нико Гонсалес "Манчестер Сити" таркибида 33 та ўйинда иштирок этди ва ўз ҳисобига битта гол ёздириб қўйди. Нуфузли "Transfermarkt" портали 24 ёшли футболчини 45 миллион еврога баҳоламоқда.
