"Ливерпуль" ўз таркибида ҳимоячи Ибраима Конатени сақлаб қолиш ниятида.
Журналист Уилсон Кокснинг маълумотларига кўра, "қизиллар" француз футболчиси билан янги шартнома бўйича музокараларни давом эттиришмоқда. Футболчининг ўзи эса янги битимни имзолашдан олдин "ПСЖ"нинг қарорини кутмоқчи – парижликлар ўйинчининг трансфери учун курашга қўшилишган. Ҳозирча Конате "Ливерпуль"да қолиш ёки "ПСЖ"га ўтиш борасида бир қарорга келолмай иккиланмоқда.
Эслатиб ўтамиз, аввалроқ ОАВдаги миш-мишлар ҳимоячини Мадриднинг "Реал" клубига ўтиши билан боғлаган эди.
Ибраима Конате 2021 йилда "РБ Лейпциг"дан "Ливерпуль"га 40 миллион евро эвазига ўтган. Унинг шартномаси 2026 йилнинг 30 июнига қадар мўлжалланган. Жорий мавсумда француз "қизиллар" сафида 34 та ўйин ўтказиб, иккита гол уришга муваффақ бўлди.
