Англия Премьер-лигасининг қолдирилган 31-туридан ўрин олган "Вулверхэмптон" ва "Арсенал" жамоалари ўртасидаги учрашув якунланди. Баҳс "Молине" стадионида (Вулверхэмптон, Англия) бўлиб ўтди. Учрашувни ланкаширлик Пол Тирни бошқариб борди. Ўйин 2:2 ҳисобидаги дуранг билан ниҳоясига етди.

Ҳисобни 5-дақиқада "канонирлар" ҳужумчиси Букайо Сака очди. 56-дақиқада ҳимоячи Пьеро Инкапье "бўрилар" дарвозасига иккинчи тўпни киритди. Орадан беш дақиқа ўтиб, мезбонлар ҳимоячиси Уго Буэно орадаги фарқни қисқартирди. Учрашувнинг асосий вақтига қўшиб берилган 90+4-дақиқада эса "Арсенал" ҳимоячиси Риккардо Калафьори ўз дарвозасини ишғол қилиб қўйди.

АПЛдаги 27 та ўйиндан сўнг "Арсенал" 58 очко билан турнир жадвалида пешқадамликни давом эттирмоқда. "Вулверхэмптон" эса 10 очко билан сўнгги, 20-ўринда бормоқда.

Кейинги турда "бўрилар" меҳмонда "Кристал Пэлас" билан куч синашса, "канонирлар" ҳам сафарда "Тоттенхэм"га қарши майдонга тушади. Иккала ўйин ҳам 22 февраль куни бўлиб ўтади.

АПЛ. 31-тур
19.02.2026 | 01:00
«Молинью Стэдиум», Вулверхэмптон

«ВУЛВЕРХЭМПТОН» — «АРСЕНАЛ» — 2:2

Голлар: У. Буэно 61’ (1:2), Калафьори 90+4’-авт (2:2) — Сака 5’ (0:1), Инкапье 56’ (0:2).

«Вулверхэмптон»: Жозе Са, С. Буэно, Крейчи, Москера, Андре, А. Гомеш (Арокодаре, 22), У. Буэно, Чачуа (Р. Гомеш, 70), Беллегард (Эдози, 84), Мане, Армстронг.

«Арсенал»: Райя, Салиба, Габриэл Магальяйнс, Инкапье, Тимбер, Субименди, Райс, Сака (Троссар, 73, Калафьори, 90+3), Мартинелли, Мадуэке (Эзе, 65), Дьекереш (Габриэл Жезус, 65).

Огоҳлантиришлар: С. Буэно (45), Беллегард (71) — Габриэл Жезус (90).