«Барселона» сўнгги икки ўйинда муваффақиятсизликка учраб, Мадриднинг «Атлетико»сига (0:4) ва «Жирона»га (1:2) имкониятни бой берди.

Mundo Deportivo нашрининг хабар беришича, «кўк-анорранглилар» бош мураббийи Ханс-Дитер Флик жамоага руҳий дам олиш керак деб ҳисоблади ва футболчиларга икки кунлик таътил берди. Якшанба куни Каталония гранди Ла Лиганинг 25-тури доирасида ўз майдонида «Леванте»ни қабул қилади.

Айни дамда «Барселона» Испания чемпионати турнир жадвалида иккинчи ўринни эгаллаб турибди ва пешқадам «Реал Мадрид»дан икки очкога ортда қолмоқда. Каталонияликлар Чемпионлар Лигасининг плей-офф ўтиш босқичида иштирок этишмаяпти, чунки улар тўғридан-тўғри 1/8 финал йўлланмасини қўлга киритишган.