«Barselona» so‘nggi ikki o‘yinda muvaffaqiyatsizlikka uchrab, Madridning «Atletiko»siga (0:4) va «Jirona»ga (1:2) imkoniyatni boy berdi.
Mundo Deportivo nashrining xabar berishicha, «ko‘k-anorranglilar» bosh murabbiyi Xans-Diter Flik jamoaga ruhiy dam olish kerak deb hisobladi va futbolchilarga ikki kunlik ta’til berdi. Yakshanba kuni Kataloniya grandi La Liganing 25-turi doirasida o‘z maydonida «Levante»ni qabul qiladi.
Ayni damda «Barselona» Ispaniya chempionati turnir jadvalida ikkinchi o‘rinni egallab turibdi va peshqadam «Real Madrid»dan ikki ochkoga ortda qolmoqda. Kataloniyaliklar Chempionlar Ligasining pley-off o‘tish bosqichida ishtirok etishmayapti, chunki ular to‘g‘ridan-to‘g‘ri 1/8 final yo‘llanmasini qo‘lga kiritishgan.
